Շնորհավոր կամավորների միջազգային օրը՝ բարին գործելու և հայրենիքը շենացնելու շարունակական ուղի

Կամավորների անշահախնդիր աշխատանքի շնորհիվ, ովքեր առաջնորդվում են սիրո և պարտավորության զգացումով, մենք կարողանում ենք բարին գործել և մեր հայրենիքում մի շարք կարևոր փոփոխություններ իրականացնել։ Կամավորները հենց այն մարդիկ են, ովքեր իրենց ժամանակը և էներգիան ներդնում են հայրենիքի օգտին՝ առանց որևէ սպասումների։

Այս օրվա առիթով Հայ Կրթական Հիմնարկությունը շնորհավորում է բոլոր կամավորներին՝ շնորհակալություն հայտնելով նրանց այն մեծ ներդրումների համար, որոնք փոփոխություններ են պարգևում մեր հասարակությանը։

Շնորհավորում ենք նաև Հայ Կրթական Հիմնարկության բոլոր նախկին ու ներկա ուսանողներին, ովքեր իրենց կրթաթոշակ ստանալու տարիներին միաժամանակ զբաղվել են նաև կամավորությամբ՝ ավելի լավը դարձնելով մեր աշխարհը ու հայրենիքը։