ՀԿՀ ինժեներական լաբորատորիաների շրջանավարտները ստացան ավարտական վկայականներ GITC-ում

2023 թվականին ՀԿՀ ինժեներական լաբորատորիաների շրջանավարտները Վանաձորից ու Փարաքարից եկան GITC՝ իրենց գյումրեցի ընկերների հետ միասին ստանալու ավարտական վկայականներ և կիսվելու իրենց կրթական ձեռքբերումներով։ Այս միջոցառումը վառ ապացույցն է այն երազանքի, որ հայրենիքի հանդեպ սերը և տեխնոլոգիական ու ինժեներական ներուժը կարող են միավորել նոր սերնդի ուժերը՝ հայրենիքը հզորացնելու համար։

Հայ Կրթական Հիմնարկության և GITC հոգաբարձուների խորհրդի անդամ Ալեք Բաղդասարյանն ու Հայ Կրթական Հիմնարկության գործադիր տնօրեն Արմինե Հարոյանը ներկա էին այս կարևոր իրադարձությանը՝ ի ցույց դնելով կրթության և տեխնոլոգիական կրթության համատեղ ուժը։

Այսպիսով, 2023-ը ամփոփեցինք մեծ ոգևորությամբ՝ աջակցելով մեր հզոր ու տաղանդաշատ երիտասարդներին՝ վստահ լինելով, որ նրանք են մեր երկրի լուսավոր ապագայի հիմքը։

Ինժեներական կրթական ծրագիրը իրականացվում է Հայ Կրթական Հիմնարկության աջակցությամբ և Հայ Օգնության Ֆոնդի համաֆինանսավորմամբ՝ նպատակ ունենալով պատրաստել բարձրորակ մասնագետներ, ովքեր կկարողանան օգտագործել իրենց գիտելիքն ու հմտությունները՝ հայրենիքին ծառայելու գործում։