Այսօր նշվում է Կրթության միջազգային օրը, և դա ևս մեկ առիթ է հիշելու, թե որքան կարևոր է կրթությունը մեր երկրի զարգացման և հզորացման համար։ Հայ Կրթական Հիմնարկությունը մշտապես իր առաքելությունն է համարում կրթությունը՝ որպես մեր ապագայի հիմնաքար։ Հզոր հայրենիք ունենալու հիմքում ոչ միայն միասնականությունը, այլ նաև հզոր կրթությունն է, որը դարձնում է մեզ ավելի ուժեղ։
Կրթությունը պետք է դառնա ապրելակերպ։ Ամեն օր ու ժամ մենք պետք է սովորենք ու սովորեցնենք, որպեսզի նպաստենք երկրի շարունակական առաջընթացին։ Այժմ, երբ մեր կրթական համակարգը նոր մարտահրավերների առջև է կանգնած, ավելի կարևոր է, քան երբևէ, կրթության դերը։ Այն ունի ուժ, որը կարող է փոխել ճակատագրեր և օգնել հաղթահարելու ցանկացած խոչընդոտ։
Իսկ լուսանկարում Արցախի Մյուրիշեն համայնքի դպրոցականներն են։
