Հայ Կրթական Հիմնարկությունը (ՀԿՀ) շարունակում է իր կրթական առաքելությունը՝ ապահովելով որակյալ կրթության հասանելիություն Հայաստանի և Ջավախքի տաղանդավոր ուսանողների համար։ 2024-2025 ուսումնական տարում ՀԿՀ-ին միացավ ավելի քան 400 նոր կրթաթոշակառու, իսկ ընդհանուր աջակցվող ուսանողների թիվը հասավ 1400-ի։

Այս տարի ՀԿՀ կրթաթոշակի համար դիմել էր ավելի քան 3000 ուսանող։ Նրանք հաղթահարեցին մի քանի փուլերից բաղկացած խիստ և պատասխանատու ընտրական գործընթաց՝ ապացուցելով իրենց ակադեմիական գերազանցությունը, նվիրվածությունն ու ձգտումը գիտելիքի նկատմամբ։

Շնորհավորում ենք բոլոր կրթաթոշակառուներին և հպարտ ենք, որ նրանց կողքին ենք այս կարևոր ուղու ընթացքում։ ՀԿՀ-ն ոչ միայն ֆինանսավորում է ուսման վարձը, այլև ստեղծում է զարգացման հնարավորություններ՝ ապահովելով ուսանողների կայուն առաջընթացն ու հաջողությունը։

Շնորհակալ ենք բոլոր դիմորդներին իրենց ջանքերի և հաստատակամության համար, ինչպես նաև մեր աջակիցներին ու հովանավորներին՝ կրթության առաջմղման գործում ունեցած ներդրման համար։