Չորս տարվա դադարից հետո, սեպտեմբերի 22-ին, Հայ Կրթական Հիմնարկությունը (ՀԿՀ) մեծ շուքով անցկացրեց իր ամենամյա միջոցառումը՝ նշելով կրթության դերը Հայաստանի երիտասարդների ապագայի կերտման գործում։

ՀԿՀ-ն տարիներ շարունակ աջակցում է Հայաստանի հազարավոր երիտասարդներին՝ ստեղծելով նրանց համար կրթական հնարավորություններ և հզոր հիմքեր՝ անձնական ու մասնագիտական հաջողության հասնելու համար։

Միջոցառմանը մասնակցում էին ՀՀ Սփյուռքի գլխավոր հանձնակատարը, ՀՀ ԿԳՄՍ նախարարության արտաքին կապերի պատասխանատուն և սփյուռքի վարչության պետը, օրենսդիր մարմնի ներկայացուցիչներ, հովանավորներ, գործընկերներ և ուսանողներ, ովքեր իրենց ներկայությամբ պատվեցին այս կարևոր իրադարձությունը։

Շնորհակալ ենք բոլոր ներկաներին՝ մեր առաքելությանն աջակցելու և կրթության միջոցով Հայաստանի ապագան համատեղ կերտելու համար։