Հայ Կրթական Հիմնարկությունը (ՀԿՀ) ակտիվ մասնակցություն ունեցավ Երևանում անցկացված Երկրորդ «Global Armenian Summit 2024»-ին, որը կազմակերպվել էր Սփյուռքի Գլխավոր հանձնակատարի գրասենյակի կողմից։

ՀԿՀ-ի գործադիր տնօրեն Արմինե Հարոյանը գործընկեր կրթական կառույցների հետ համատեղ ղեկավարեց «Սփյուռքի և Հայաստանի համագործակցությունը կրթության և գիտության բնագավառներում» թեմայով կլոր սեղան-քննարկումները։ Միջոցառման ընթացքում քննարկվեցին կրթական նորարարական ծրագրերը, գիտական համագործակցության հեռանկարները, ինչպես նաև Սփյուռքի և Հայաստանի կրթական հաստատությունների միջև կամուրջների ամրապնդման ուղիները։

ՀԿՀ-ն կարևորում է նման հարթակներում իր ներգրավվածությունը՝ նպաստելով հայ երիտասարդության կրթական հնարավորությունների ընդլայնմանը և սփյուռքահայ համայնքների հետ կապերի խորացմանը։