Գյումրու ՀԿՀ Ինժեներական կրթական ծրագրի ուսանողները բացառիկ հնարավորություն ունեցան փորձարկել անօդաչու սարք վարելու հմտությունները, որը ստեղծել են ծրագրի արդեն շրջանավարտներ Արմանը և Ալեքսը։ Նրանք ոչ միայն ծանոթացան անօդաչուի վարելու կանոններին ու տեխնիկային, այլև կիրառեցին ստացած գիտելիքները իրական միջավայրում։

Ուսանողները հետաքրքիր և հիշարժան օր անցկացրին Կառնուտի գեղատեսիլ բնության գրկում, որտեղ համատեղվեցին նրանց ձեռք բերած հմտությունները և անզուգական բնապատկերները՝ ստեղծելով անմոռանալի փորձառություն։

ՀԿՀ Ինժեներական կրթական ծրագրի շրջանակում առաջարկվում է ոչ միայն որակյալ դասընթացներ, որոնք նպաստում են մասնագիտական աճին, այլև ստեղծվում է ընկերական ու թիմային մթնոլորտ։ Ուսանողներն այստեղ բացահայտում են իրենց ներուժը և զարգացնում հմտությունները, որոնք կարևոր են ինչպես մասնագիտական, այնպես էլ անձնական հաջողությունների համար։