Հպարտությամբ հայտնում ենք, որ Գյումրու ՀԿՀ ինժեներական կրթական լաբորատորիայի սաների պատրաստած Buggy մեքենան մասնակցեց համահայաստանյան Off Road առաջնությանը և արժանացավ պատվավոր 3-րդ հորիզոնականին։

Այս հաջողությունը ևս մեկ վառ ապացույց է, որ ՀԿՀ-ի աջակցությամբ ստեղծված կրթական ծրագրերն իրական արդյունք են տալիս, և մեր ուսանողները կարողանում են գիտելիքը վերածել նորարարական լուծումների։

Հիշեցնենք, որ ինժեներական լաբորատորիան հիմնվել է Հայ Կրթական Հիմնարկության ֆինանսավորմամբ՝ նպատակ ունենալով տրամադրել որակյալ տեխնիկական կրթություն և զարգացնել ուսանողների պրակտիկ հմտությունները։ Այս ձեռքբերումը ոգեշնչում է նոր սերնդին՝ գնալու առաջադեմ տեխնոլոգիաների և ինժեներական նորարարությունների ուղիով։

Շնորհավորում ենք մեր տաղանդավոր սաներին ու նրանց մենթորներին և մաղթում նորանոր հաղթանակներ։