Հայ Կրթական Հիմնարկությունը միացել է Արցախից բռնի տեղահանված մեր հայրենակիցների կրթական աջակցության շարժմանը՝ համալրելով Armenian Code Academy-ի կրթաթոշակային ֆոնդը։ Այս նախաձեռնության նպատակն է ապահովել որակյալ տեխնոլոգիական կրթության հասանելիություն նրանց համար, ովքեր հարկադրաբար լքել են իրենց բնակավայրերը և այժմ ձգտում են կառուցել նոր ապագա Հայաստանում։

Տեխնոլոգիական ոլորտը Հայաստանում շարունակում է դառնալ տնտեսական աճի և նոր հնարավորությունների շարժիչ ուժ։ Հաշվի առնելով, որ Արցախի երիտասարդությունը մեծ ներուժ ունի ՏՏ ոլորտում, այս կրթաթոշակային ծրագիրը հնարավորություն կտա նրանց ստանալ որակյալ կրթություն, ձեռք բերել պահանջված հմտություններ և նպաստել Հայաստանի տեխնոլոգիական զարգացմանը։

Այս նախաձեռնության հիմնական նպատակն է ոչ միայն աջակցել Արցախից տեղահանված երիտասարդներին, այլև նրանց տալ գործնական և մրցունակ հմտություններ, որոնք կօգնեն գտնել աշխատանք և կայուն ապագա կառուցել Հայաստանում։

Մենք հավատում ենք, որ կրթությունը փոփոխություն ստեղծելու ամենաուժեղ միջոցն է։